MASMUR 81:9 - BIBEL JAMITA NA DENGGAN

⁹ Ulang be adong di tonga-tongamunu debata na asing, ulang somba hamu debata na leban.

MASMUR 81:9 Referans Kwoze

JESAYA 43:12

Au do na paboahon, paluahon dohot mangkobarkon, jana nada debata na asing na adong di tonga-tongamunu: “Hamu do na gabe saksingKu jana Au do Debata,” songon i ma hata ni Tuhan,

PANGARATAION 32:12

Tuhan i sandiri do mamimpin bangsoNa, so pola diurupi angka debata.

PANGARATAION 6:14

Ulang oloi debata na asing, sanga debata ni angka bangso na humaliang ho.

MALEAKI 2:11

Dilaosi Juda parjanjian ni halahi dohot Debata, jana dibaen halahi pangalaho na jorbut di Jerusalem dohot di sude luat i. Dipahodar halahi do Inganan Na Badia na nihaholonganNia i. Dibuat halahi do angka boru na marsomba tu angka debata ni bangso sileban.

MASMUR 44:20

Sugari nian hami na so marsomba be tu Ho Debatanami, tapi martangiang tu angka debata,

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

MASMUR 50:7

“O Israel, giot mandok hata Au; o hamu bangsongKu, tangihon hamu sude ma Au. Giot saksihononKu tu hamu, Au do Debata, Debatamunu.

JESAYA 28:23

Tangihon ma angka hatangku jana parrohahon ma tonangku.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.