MASMUR 80:14 - BIBEL JAMITA NA DENGGAN

¹⁴ O ale Debata Na Markuaso ro ma da Ho mangulahi, manatap ma Ho sian banua ginjang jana parrohahon ma hami.

MASMUR 80:14 Referans Kwoze

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

MALEAKI 3:7

Laing songon ompu na umpompar hamu najolo, songon i muse do hamu marbalik sian angka aturanKu jana nada dihaburjuhon hamu mandalankonsa. Mulak ma hamu tu Au, Au pe gabe mulak ma tu hamu. Hape disapai hamu dope, ‘Bia dehe baenonnami anso mulak hami tu Ho?’

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

BAENON NI ANGKA RASUL 15:16

‘Dung i mangulahi ma Au ro, pajongjongonKu ma mangulahi bagas ni si Daud na marumpak i, jana patureonKu ma sego-segona i, anso Hupajongjong mangulahi;

JOEL 2:14

Betak na muba do tehe roha ni Tuhan Debatamu, jana marlobi-lobi pasupasuNa di hamu. Gabe tarbaen hamu manghaulkon tu Tuhan, haul anggur dohot gandum.

ANDUNG 3:50

lopus diparrohahon Tuhan sian banua ginjang, hami.

MASMUR 33:13

Manatap do Tuhan sian banua ginjang, diida Ia ma sude jolma manusia.

MASMUR 7:7

Palagut ma angka bangso na humaliang Ho sian habangsaMu na di banua ginjang, tu halahi markuaso do Ho.