MASMUR 8:3 - BIBEL JAMITA NA DENGGAN

³ Muda hutatap langit na nipauliMi, hupareso bulan dohot bintang na nitompaMi,

MASMUR 8:3 Referans Kwoze

PAMUNGKAAN 1:1

Di mulana i ditompa Debata ma langit dohot tano.

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 111:2

Na godang ma antong pambaenan ni Tuhan, disihiri sude halak na manghagiotisa.

MASMUR 104:19

Baen tanda ni hatiha dibaen Ho bulan, diboto mataniari do sanga sadihari ia lusut.

MASMUR 89:11

Langit dohot portibi Ho do nampuna i, tano dohot isina sude na nitompaMu do i.

SURAT NI SI PAULUS TU PARLAGUTAN ROM 1:20

Mamungka sian na manjadihon tano on Debata, anggo angka pangalaho ni Debata na so tarida i, i ma bako Hadebataan dohot hagogoanNia na manongtong i, anggo i tangkas do tarastui jolma markite-hite sude na nitompa i. Jadi nada tarbaen jolma i be marsidalian hara ni na so marbinoto.

LUKAS 11:20

Tapi muda Huusir tondi na jahat markite-hite kuaso ni Debata, i ma tandana bahaso na dung ro do Harajaan Ni Debata tu hamu.

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

JOB 22:12

Nada he Debata na maringanan di langit pargincat, jana na manatap tu toru, tu angka bintang na sun gincat?

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

HARURUAR 31:18

Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.

MASMUR 148:3

Puji ma Ia, o mataniari dohot bulan, puji ma Ia, ale angka bintang na humirlap-hirlap.

MASMUR 19:1

Dibaritahon langit do hamuliaan ni Debata, jana dipaboahon awang-awang i do karejo ni tanganNa.

JOB 25:5

Anggo di Debata, salangkan bulan pe nada adong torangna, dohot bintang pe rambon do dihilalaSa.

JOB 25:3

Taretong ma he lakna bahat ni surusuruan pangoloiNia? Adong ma he inganan na so hona dibaen sinondangNia?

JOB 36:24

Sai na pujion do Ia hara ni pambaenanNia; jana ho pe patutna dohot mamparsangapi Ia.