MASMUR 79:5 - BIBEL JAMITA NA DENGGAN

⁵ Ale Tuhan, torus noma lakna Ho muruk, jana sai marapi purun hamumurukMu?

MASMUR 79:5 Referans Kwoze

MASMUR 89:46

O Tuhan sadia honok nari Ho martabuni? Intap ni andigan murukMu marsigorgor songon api?

MASMUR 85:5

Matua muruhanMu noma hami lakna? Na so mantak be he rimasMu rupana?

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

JEHESKIEL 36:5

hara ni i songon on ma didok Tuhan Debata: Di bagasan piar-piar ni murukKu do Au mangalo angka bangso, jana mangalo sude halak Edom, na manontuhon tanongKu gabe nampunania di bagasan jop ni roha dohot incak-incak, ujungna nampunania noma tanongKu jana abis dirampas.

MASMUR 80:4

Ale Tuhan Debata Na Markuaso, intap ni andigan do Ho muruk, haru pe martangiang bangsoMu?

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

JESAYA 64:9

Jadi ulang ma marpiar-piar murukMu, ulang sai paingot-ingot be dosanami. Laing timbangi ma jolo di rohaMu, ale Tuhan, hami on laing bangsoMu.

MASMUR 103:9

Santongkin sajo do hamumuruk ni Tuhan, nada sapanjangna rimas ni rohaNia.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

PANGARATAION 32:16

Marsomba halahi tu patung, gabe mangiburu ma Tuhan. Gurgur ma murukNa dibaen hajahatan i.

MASMUR 6:4

Sai marpangulahi ma rohaMu jana palua ma au, palua ma au hara ni holong ni rohaMu.

MASMUR 80:5

Dilehen Ho do parkancitan gabe panganonnami, jana ilu na marabur baen inumonnami.

MASMUR 89:47

Ingot ma pendek ni umurnami, songon mahluk parsantongkinan do ditompa Ho hami.

ANDUNG 5:22

Adong he na dung diambungkon Ho do hami songon i? Na so marbolat dehe murukMu tu hami?

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”