MASMUR 79:10 - BIBEL JAMITA NA DENGGAN

¹⁰ Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

MASMUR 79:10 Referans Kwoze

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

MIKA 7:10

Ligion ni musungku ma i gabe maila ma ia jana ditutupi bohina, ia do na mandok tu au, “Di dia do Tuhan Debatamu?” Tapi anggo saonnari idaon ni halahi ma sanga na bia baenon ni Tuhan maradopkon au, jana maila ma halahi. Ligionku ma ia di dege-dege songon bustak di dalan.

MASMUR 115:2

Biasi angkon sai pola dokkonon ni angka bangso, “Di dia ma he Debata ni halahi?”

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

JEHESKIEL 36:23

PatuduhononKu ma godang ni goarKu na badia i, goar na nipahodarmunu di tonga-tonga ni angka bangso, jadi botoon ni halahi ma bahaso Au do Tuhan. Au Tuhan Debata madung mandok songon i. Pakeonku ma hamu laho pataridahon tu angka bangso paboa na badia do Au Tuhan.

JEREMIA 51:35

Dokkon ma, ale halak na maringanan di Sion, “Sai dituntut Tuhan ma nian Babel hara ni hakejamonnia maradopkon hita!” Dokkon ma ale Jerusalem, “Sai dituntut Tuhan ma nian Babel hara ni parkancitan na hita taon!”

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

JESAYA 64:1

Sibakkon ma langit, jana mijur ma Ho ale Tuhan, baen ma angka dolok humutur hara ni biarna,

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

ANDUNG 1:22

Parrohahon ma sude hajahatan ni halahi i, jana uhummi ma halahi, songon au on na hona uhumMi, hara ni sude dosangku na hubaen di adopanMi. Mangangguk au di bagasan pardangolan, marsak rohangku jana hancitan.”