MASMUR 78:6 - BIBEL JAMITA NA DENGGAN

⁶ anso sundut na mangihut manandasa, lalu paudutkonsa tu angka dakdanakna.

MASMUR 78:6 Referans Kwoze

MASMUR 102:18

Suratkon ma sude na nibaen ni Tuhan, baen di sundut na ro di pudi, anso bolas Ia pujion ni bangso na so tubu dope tu portibi on.

JOEL 1:3

Caritohon hamu ma na masa i tu angka dakdanakmunu; anso dipalalu halahi muse tu dakdanakna caritomunu i. Sundut na mangihut pe angkon botoonna muse, jana paudutonna tu sundut na di pudina be.

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

MASMUR 90:16

Patuduhon ma karejoMu tu hami angka naposoMu, anso diida pomparannami godang ni kuasoMu.

MASMUR 22:31

Tu bangso na umpudi tubu paboaonna do barita, “Madung dipalua Tuhan bangsoNia.”

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 48:13

Pamanat ma tembokna, pareso ma bentengna, anso tarturihon hamu i tu angka na umposo.

ESTER 9:28

Laing dipahot muse do salolot-lolotna do angkon ingoton Ari Purim i jana dirayahon sandok ripe ni halak Jahudi sian ganop sundut di sude propinsi dohot di sandok kota.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”