MASMUR 78:42 - BIBEL JAMITA NA DENGGAN

⁴² Nada diingot halahi kuasoNia, lupa halahi di ari na nipalua sian musuna,

MASMUR 78:42 Referans Kwoze

JEREMIA 32:21

Marhite kuaso dohot hagogoanMu na godang i diparuar Ho halak Israel sian Mesir. Dipatupa Ho do angka tanda dohot hahomangan maradu angka pangalaho na masa na mambaen musu tarsonggot.

HAKIM-HAKIM 8:34

Nada be maribadat halahi tu Debata, Tuhan ni halahi, na dung paluahon halahi sian kuaso ni sude musu na humaliang halahi.

HARURUAR 14:12

Nada he na dung hami dokkon hian do na salpu i, na angkon masa na songon on? Hami suru hian do anso kehe ho maninggalkon hami jana padiaronmu hami diparhatoban di Mesir. Gumonan dope gabe hatoban disi, ulang pado mate di parhorsihan on!”

MASMUR 78:11

Dihalupahon halahi do angka pambaenanNia, angka pangalaho na so haastuan roha na nipatangkasNia tu halahi.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

MASMUR 106:21

Dihalupahon halahi do Debata na paluahon halahi, na dung patupahon angka pangalaho na godang di Mesir,