MASMUR 78:15 - BIBEL JAMITA NA DENGGAN

¹⁵ Dibola Ia batu di padang halongonan, dilehen Ia halahi minum songon bahat ni aek di lautan.

MASMUR 78:15 Referans Kwoze

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

BILANGAN 20:11

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

JESAYA 41:18

Di angka dolok na gundul Hubaen mardalan batang aek, di tano napa marbuldak-buldak ma mual ni aek. Hubaen gabe ambar, angka padang gariang hian, mamincar ma aek sian tano na marigang.