MASMUR 77:12 - BIBEL JAMITA NA DENGGAN

¹² Pasari-sarion ni rohangku do sude pambaenanMu, hupikiri do hagodangan ni parkarejoanMu.

MASMUR 77:12 Referans Kwoze

MASMUR 145:11

Pagodangon ni halahi ma kuasoMu songon raja, jana baritahononna ma pambaenanMu na marsahala.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

MASMUR 143:5

Taringot ma di rohangku angka ari na salpu; hupasari-sari sude pambaenanMu, hupahusor-husor di bagasan rohangku sude na nipatupaMu.

MASMUR 105:2

Endehon ma puji-pujian di Tuhan, baritahon hamu ma sandok hahomangan na nibaenNia.

MASMUR 104:34

Sai tumbuk nian endengki di rohaNia angke Ia do mambaen rohangku marmoga-moga.

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 119:52

O Tuhan, huingot do parentaMu na adong sian najolo, gabe tarapul ma rohangku.

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?