MASMUR 76:12 - BIBEL JAMITA NA DENGGAN

¹² Ditipulkon Ia do hagiot ni angka parkuaso, mabiar do angka raja maradopkon Ia.

MASMUR 76:12 Referans Kwoze

ZEPANYA 3:6

“Ma pola bahat angka bangso na mago Hubaen; Huroncohon angka tugu ni halahi na gincat i, Husegoi dalanna lopus nada adong be pamolus, madung dipagariang kota ni halahi nada adong be pangisina.”

MASMUR 68:12

“Ma pola maporus angka raja dohot paranganna, songon darapati halahi kehe habang.” Di bagas, marbagibagi ma angka dadaboru i perak dohot sere na martadingan i. Haru pe bahat na so dohot marporang, bangso ni Debata do hape na monang.

2 JUJUR TAON 32:21

Jadi disuru Tuhan ma sada surusuruan mamatehon angka parajurit dohot angka perwira ni Asur i. Jadi ila sajo ma roha ni raja ni Asur i mulak tu tanonia. Sanoli dompak di bagasan bagas ni debatania i ia, ro ma sanga na piga halak sian angka anaknia sandiri mamunu ia dohot podang.

JESAYA 24:21

Di hatiha i, uhuman ni Tuhan ma angka na markuaso di awang-awang na so martopi i dohot angka raja na di tano on.

MASMUR 47:2

Angke na lobi sogen do Tuhan Na Gumincat i, Ia do raja godang na mangarajai sude na di portibi i.

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

MASMUR 2:5

Mardongan muruk digorahon Debata halahi, mardongan pangamukNa digaori Ia halahi.

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

HAMALIMON 23:38

Angka parayaan i songon tamba-tamba ni Ari Sabat na somal do angka ari pesta i. Jadi angka haul i pe tamba-tamba do i tu silehen-lehen na somal, tambana tu haulmu di na manggarar niet bope tamba-tamba tu haul jop ni roha na nilehenmu tu Tuhan.

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.