MASMUR 74:4 - BIBEL JAMITA NA DENGGAN

⁴ Marsurak ma angka musuMu marolop-olop di ingananMi, jana pajongjong mandera na gabe songon tanda.

MASMUR 74:4 Referans Kwoze

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

2 JUJUR TAON 36:17

Digorakkon Tuhan ma roha ni raja ni Babel anso mamorangi halahi. Dibunu raja i ma doli-doli ni halak Juda, dohot ma i na di bagasan Bagas Ni Debata. Sada halak pe nada adong na ibo rohania midasa, na matobang sanga na poso, halaklahi sanga dadaboru, na marnyae sanga na horas. Dipasahat Debata do halahi sudena tu raja ni Babel i.

BILANGAN 2:2

“Di hatiha pajongjongkon parbandaran halak Israel, ganop halak angkon marbandar di toru ni manderana be dohot tanda ni margana sandiri. Sude parbandaran i dipajongjong humaliang Bandar ParmiananKu.”

HALUMBAAN 13:6

Dung i diungkap ia ma pamangannia mangincahi Debata, bope mangincahi goarNia dohot bandar parmiananNia dohot angka na maringanan di banua ginjang.

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

LUKAS 13:1

Hatiha i, ro ma piga-piga halak mandapotkon Jesus, paboahon taringot tu halak Galilea, i ma na nicampur ni si Latus mudar ni halahi tu mudar na giot sihaulkonon.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.