MASMUR 74:19 - BIBEL JAMITA NA DENGGAN

¹⁹ Ulang pasahat bangsoMu na so margogo i tu tangan ni musu na kejam i. Ulang ma salolotna halupahon bagian ni bangsoMu na mardangol.

MASMUR 74:19 Referans Kwoze

ENDE NA GODANG 2:14

Biasi martabuni ho, haholongan? Patuduhon ma jogi ni rupami, patubegehon ma jeges ni sorami.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MASMUR 9:18

Nada tongtong halak na dangol dihalupahon, nada torus halahi so marpangaropon.

ZEPANYA 3:12

PadiaronKu ma disi maringanan tongtong sada bangso na toruk roha, na ro tu Au mangido pangurupi. Tola ma halahi maringanan disi.

JESAYA 60:8

Ise dehe i na ro habang songon ombun songon darapati na mulak habang?

ENDE NA GODANG 4:1

Na uli di au, na sumurung ma antong jogi ni rupamu, di balik ni panutupi ni matamu torang do holong ni roha. Obukmu manortori songon pahan-pahanan sahulanan; na manuat di angka dolok ni Gilead.

MASMUR 72:2

Anso nian diadili bangsoMi mangihutkon aturan, jana dibaen ia na tigor tu halak na nisosakan.

MASMUR 68:10

Gabe maringanan disi bangsoMu, di bagasan denggan ni rohaMu ale Debata, dipature-ture Ho halak na pogos.

ENDE NA GODANG 6:9

Songon darapati jogi ni rupana, anak sisada-sada hasian ni inana. Tarpandang do ia jana dadaboru mamujisa, salang namora ni raja dohot radingna dohot marhajopkon ia.

MASMUR 10:12

Jongjong ma Ho Tuhan, uhumi ma halak parjahat, ulang halupahon halak na marsak.