MASMUR 74:16 - BIBEL JAMITA NA DENGGAN

¹⁶ Ditompa Ho do arian dohot borngin, ditontuhon Ho do inganan ni bulan dohot mataniari.

MASMUR 74:16 Referans Kwoze

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

MASMUR 104:19

Baen tanda ni hatiha dibaen Ho bulan, diboto mataniari do sanga sadihari ia lusut.

MASMUR 8:3

Muda hutatap langit na nipauliMi, hupareso bulan dohot bintang na nitompaMi,

MASMUR 104:20

Muda diparo Ho na golap, ari gabe borngin, jadi binatang panyoro pe antong humadeap ma pahae-pahulu.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JEREMIA 33:25

Tapi songon na Hubaen, Au Tuhan mambaensa, sada parjanjian na nipudun dohot arian dohot borngin, jana na mambaen aturan na manontuhon langit dohot tano,