MASMUR 74:1 - BIBEL JAMITA NA DENGGAN

¹ Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 74:1 Referans Kwoze

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

MASMUR 79:13

Dung i, sude hami bangsoMu, biri-biri na niparmahanMu, mandok tarimakasima salolot-lolotna, jana baritahononnami ma puji-pujian di goarMu, marsundut-sundut.

MASMUR 95:7

Angke Ia do antong Debatanta, bangso na niparmahananNia do hita, songon biri-biri na nitogu-toguNia. Jadi saonnari tangihon ma soraNia:

MASMUR 44:9

Hape saonnari ditadingkon Ho do hami, dipadiar Ho hami ditaluhon halahi. Nada be Ho maju rap dohot hami.

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

JEHESKIEL 34:31

Tutu ma, hamu do punguan ni biri-biringKu na Hubalanjoi. BangsongKu noma hamu, jana Au Debatamunu. Au Tuhan Debata madung mandok songon i.”

JEREMIA 31:37

Sugari di sada hatiha bolas suhaton langit i, jana ojahan ni tano tarsihiri, di hatiha i ma tulahonKu Israel hara ni sude parbuatan ni halahi na jahat i. Au Tuhan, madung mandok songon i.”

JEREMIA 23:1

Marmara ma baenon ni Debata angka pamimpin na mangago dohot na pasarsarkon bangsoNa.

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

MASMUR 77:7

“Salolotna noma he ulaning tulakkonon ni Tuhan hami? Na so sonang be he ulaning rohaNia mida hami?

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

JEHESKIEL 34:8

Mangasahon Au Na Mangolu, ninna Tuhan Debata, parrohahon hamu ma. Disoro binatang jana dipangan binatang panyoro do angka biri-biringKi hara ni na so adong parmahan ni halahi. Hamu angka parmahanKu nada kehe hamu manjalahi angka biri-biringKu. Hum dirimunu sandiri do disarihon hamu, nada diparate-atehon halahi hamu biri-biringKu.

MASMUR 78:1

Tangihon ma pangajaranku, o hamu bangsongku, parrohahon ma angka hatangku.

MASMUR 60:10

Ale Debata, situtu ni rohaMu do nada rap dohot hami? Nada he maju Ho rap dohot tentaranami i?

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 42:9

Hudok ma tu Debata, na mangondihon au, “Biasi dihalupahon Ho au? Biasi angkon laing manaon parkancitan au, hara ni panyosak ni angka musungku?”

MASMUR 18:8

Haruar timus sian lubang ni igungNa, api dohot banggar haruar sian pamanganNa.

MASMUR 10:1

Biasi songon i daoMu o Tuhan, jana martabuni Ho taran hami di hasusaan?

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

2 RAJA-RAJA 21:14

Angka halak kota i na tinggal dope padiaronKu ma gabe soroon ni angka musuna na giot mamupusi dohot mangarampas luat ni halahi.

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

MASMUR 77:8

Na dung mantak dehe Ia mangkaholongi hami? Na so gokanNia be ulaning janjiNia i?

MASMUR 80:5

Dilehen Ho do parkancitan gabe panganonnami, jana ilu na marabur baen inumonnami.

MASMUR 85:6

BangsoMu do hami, pargogoi ma hami mangulahi, anso laing marpupu Ho tarpuji hami.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

ANDUNG 5:22

Adong he na dung diambungkon Ho do hami songon i? Na so marbolat dehe murukMu tu hami?