MASMUR 73:19 - BIBEL JAMITA NA DENGGAN

¹⁹ Maronco halahi di bagasan sangkinidop mata, jorbut ma da hasidunganna.

MASMUR 73:19 Referans Kwoze

DANIEL 5:6

Gabe rata lombam ma ia jana mabiar situtu jabat humitir totnia i.

JESAYA 47:11

Tondongon ni parmaraan ma ho, nada margogo ajimetmi pasidingkonsa. Ro ma parmaraan tu ho, nada bisa so simbilkononmu i marhite manyombahon haul. Ompot ma ro hamamate tu ho, songon na so diambang rohamu.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

JOB 15:21

Angka sora na jorbut manggohi pinggolna; dompak sonang ro ma pambuhar mangalosa.

HALUMBAAN 18:10

Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

JESAYA 30:13

Hara ni i marsala do hamu. Tarsongon tembok na gincat do hamu na matapor sian ginjang lalu tu toru; tompu noma hamu maronco.

MASMUR 58:9

Painte so hona dope angka hudonmu tu api madung dipangabis Ia angka na mangolu bope na dung mosok.

JOB 18:11

Sai na manginte do na jorbut sian sasudena tu halak na jahat; diayak-ayak biar do sian langka na sada tu langka na sada.

1 SAMUEL 28:20

Umbege i, tinggang ma si Saul bustang di tano songon na disoro ronggur, hara ni biarna. Boti muse gale sajo ia, angke nada mangan sadari saborngin.

BILANGAN 16:21

“Sumurut ma hamu sian halahi, anso Hubunu halahi saonnari.”

1 SAMUEL 25:38

Hira-hira sampulu ari nari taroktohon muse ma si Nabal sian Tuhan gabe lopus mate.

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.