MASMUR 71:23 - BIBEL JAMITA NA DENGGAN

²³ Marsurak-surak ma au mardongan gok jop ni roha, di na mangendehon puji-pujian au di Ho. Marmoga-moga do pamatang dohot tondingku marendei, hara ni na dung nipaluaMu au.

MASMUR 71:23 Referans Kwoze

MASMUR 104:33

Giot marendei do au di Tuhan salolot ni ngolungku, mamuji-muji au di Debatangku sapanjang au mangolu.

MASMUR 103:4

Dipalua Ia do ngolumu sian kuburan, dipasupasu Ia ho marhite holong dohot asi ni rohana.

MASMUR 34:22

Paluaon ni Tuhan ma angka naposoNa na marpangondian tuSia indangkan na hona uhuman.

2 SAMUEL 4:9

Tapi dialusi si Daud ma, “Diboto Tuhan na mangolu i do, i ma na dung paluahon au sian sandok ragam ni parmaraan, bahaso na tutu do na giot sidokkononkon.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”