MASMUR 71:21 - BIBEL JAMITA NA DENGGAN

²¹ Giot baenonMu dope au mur marsangap, jana diapoi Ho au mulak.

MASMUR 71:21 Referans Kwoze

2 SAMUEL 3:1

Sai torus do mardalan parporangan antara ni parangan na mampartahankon horong ni si Saul dohot parangan na manyokong si Daud. Mur margogo ma si Daud, tapi mur gale ma anggo alonia i.

MASMUR 86:17

Patangkas ma hadenggananMu tu au, anso maila sanga ise na magigi mida au, muda diida halahi bahaso, Ho ale Tuhan, madung mangurupi dohot mangapoi au.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

2 KORINTUS 2:14

Tapi tarimakasi ma di Debata, tongtong do diuluhon Ia hami mangihutkon uduran ni hamonangan ni Kristus. Dipake Debata do hami anso songon uap na huskus jamita taringot tu Kristus i.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

MASMUR 32:10

Sanga ise angka pardosa, dondonan ni bahat hasusaan; tapi anggo na marpos ni roha tu Tuhan sai hot do i dilinggomi jana dihaholongi Tuhan.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

MASMUR 72:11

Marsomba ma sude raja di adopannia, jana sude bangso ma mangoloi ia.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

1 TESSALONIKA 3:9

Nada tuk pamangannami laho pajojorkon sanga na bia godang ni hatarimakasionnami tu Debata hara ni sude hamogaan na hami jagit di jolo ni Debata hara ni hamu.

2 KORINTUS 7:13

I do mambaen gabe tarapul rohanami. Jana nada hum tarapul, mur jop dope rohanami marnida jop ni roha ni si Titus; madung diapoi hamu sudena ia.

2 KORINTUS 7:6

Tapi tuani ma, sai dipagodang Debata do roha ni halak na menek roha; dipatogar Ia do rohanami markite-hite haroro ni si Titus.