MASMUR 7:8 - BIBEL JAMITA NA DENGGAN

⁸ Ho do, Tuhan na manguhumi angka bangso, uhumi ma au mangihutkon hatigoran jana tulus ni rohangku.

MASMUR 7:8 Referans Kwoze

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

1 TESSALONIKA 2:10

Hamu do saksinami, songon i dohot Debata, na ias, tigor, jana na so martihas do pangalahonami adop hamu na porsaya.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

MASMUR 78:72

Bulus do roha ni halahi antong dipimpin ia, marhite tangan na malo halahi, diparmudu-mudu ia.

MASMUR 26:1

Lehen ma hatigoran tu au ale Tuhan, angke madung hupatupa na denggan. Tu Ho do au mararop roha, saotik pe nada au marganggu ni roha.

MASMUR 41:12

Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

MASMUR 26:11

Tapi na denggan do baenonku o Tuhan, ibo rohaMu palua ma au.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 9:8

Mardongan hatigoran diparenta Ia angka bangso i, dohot hasintongan diuhumi Ia halahi.

2 JUJUR TAON 20:12

Ho do Debatanami! Ho ma manguhumi halahi, dibaen nada margogo anggo hami mangadopi tentara na bahat i na giot mamorangi hami. Nada hami boto be sanga na aha sibaenonnami, jadi hara ni i ro ma hami mangido tolong tu Ho.”

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

PODA 19:1

Dumenggan do halak na pogos na denggan roha, ulang pado halak na oto na sai marbungkak.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia: