MASMUR 7:6 - BIBEL JAMITA NA DENGGAN

⁶ O Tuhan jongjong ma Ho di bagasan rimasMu, alo ma panggosa ni musungku. Jongjong ma Ho jana urupi ma au, angke Ho do na manjalaki hatigoran.

MASMUR 7:6 Referans Kwoze

MASMUR 44:23

Ngot ma Ho! Biasi sai modom Ho, ale Tuhan? Jongjong ma Ho! Ulang tulak hami sapanjang.

MASMUR 35:23

Jongjong ma Ho mangampini parkarongku, o ale Debatangku jana Tuhanku, urupi ma au!

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

JESAYA 33:10

Didok Tuhan tu angka bangso i, “Saonnari martindak noma Au. PatuduhononKu ma sanga songon dia godang ni kuasongKu.

MASMUR 138:7

Dompak ro siarsakkonon tu iba, dijago Ho do au anso tongtong sonang. Dialo Ho do musungku na gasa-gasaon jana dipalua Ho do au marhite kuasoMu.

MASMUR 44:26

Ro ma da Ho mangurupi hami, palua ma hami, angke manongtong do holong ni rohaMi.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

JESAYA 3:13

Madung rade Tuhan laho mangaduhon jana mangadili angka bangso.

MASMUR 103:6

Didalankon Tuhan uhum dohot hatigoran tu sude halak na didondonan.

MASMUR 78:65

Ngot ma Tuhan songon na tarsunggul modom, songon halak na gogo dung abis minum anggur.

MASMUR 74:3

Dalani ma inganan na dung gabe maronco, sandok na adong madung disegohon musu di inganan na badia i.

MASMUR 73:20

Songon nipi na mago di manyogot, ale Tuhan, halahi pe mago ma di na ro Ho.

MASMUR 59:5

O, Tuhan, Debata Na Markuaso, i ma Debata ni Israel. Jongjong ma Ho jana uhumi ma angka bangso, indangkon sai pola ibo rohaMu mida halak panghianat.

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

MASMUR 143:3

Diayak jana disampakkon musu i do au, jana ditaluhon situtu do au. Dipamasuk ia au tu hurungan na golap, gabe songon halak na dung honok mate noma au.