MASMUR 69:7 - BIBEL JAMITA NA DENGGAN

⁷ Angke hara ni Ho do umbaen na ni palayas au, hara ni Ho do hona incak au.

MASMUR 69:7 Referans Kwoze

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

MASMUR 44:22

Hara ni Ho sai torus do hami tarancam mate, jana dibaen songon biri-biri sisambolon.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

LUKAS 23:11

Dipacia-cia si Herodes dohot angka tentarana i ma Jesus, diincak-incahi, dung i diabitkon halahi ma tusia pakean hasangapan, dung i ditongos halahi ma Jesus mangulahi tu si Latus.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

MASMUR 44:15

Disonggaki do hami sasadari, mananggung hahaila dohot na so marbohi,