MASMUR 69:27 - BIBEL JAMITA NA DENGGAN

²⁷ Paborat ma da uhuman i tu halahi; ulang be patigor-tigor halak na songon i.

MASMUR 69:27 Referans Kwoze

JESAYA 26:10

Haru pe denggan Ho tu halak na jungkat, nada tarbaen halahi marsiajar na so jahat. Di negara uhum pe laing na so ture do i nada ra mangoku tu kuaso ni Tuhan i.

NEHEMIA 4:5

Ulang ampuni hajahatan ni halahi jana ulang halupahon dosa ni halahi, dibaen madung dipabile halahi hami na mambangun on.”

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 9:31

Tapi, anggo Israel na manjalahi tona na parohon hatigoran, nada jabat lalu tu tona i.

SURAT NI SI PAULUS TU PARLAGUTAN ROM 9:18

Jadi, maribo ni roha do Ia tu sada-sada halak, muda por rohaNia mambaen songon i. Jana dipapir Ia do roha ni sada-sada halak, muda giot baenonNia songon i.

MASMUR 109:14

Sai diingot Tuhan ma hajahatan ni ompuna, jana ulang nian diampuni dosa ni inana i sapanjangna.

MASMUR 81:12

Gabe Hupadiar noma halahi papir rohana, jana marsibaen roha-rohana.

HAMALIMON 26:39

Saotik sian hamu na laing mangolu di luat ni musumunu gabe marhancit hara ni dosamunu sandiri dohot dosa ni ompumunu.

HARURUAR 9:12

Tapi dipajogal Tuhan do roha ni raja i, jana songon na nidok ni Tuhan hian, nada tangihonon ni raja i si Musa dohot si Harun.

HARURUAR 8:32

Tapi dison pe tong do dipajogal raja i rohana jana nada diloas ia kehe bangso i.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

MATEUS 21:19

Diida Ia ma di topi dalan i sada hayu gala-gala. Kehe ma Ia tu gala-gala i, hape umpe sangkamata batuna pe nada adong diida Ia, hum bulungna sajo do. Gabe didok Jesus ma tu hayu i, “Nada tola be ho marbatu salolotna!” Manigor malos ma bona ni gala-gala i.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

MASMUR 24:5

Pasupasuon do halahi jana paluaon tu joloan on. Tuhan mandok, halahi nada marsala.

JOB 19:22

Sai torus do au didondoni Debata; biasi ma Ia tiruonmunu? Na so tuk dope he sian hamu na hancit taononku?

JESAYA 53:4

Hape satutuna, nyaenta do na nitaonnia, jana pardangolanta diporsan ia. Hape didok rohanta bura ni Debata do tusia na niaena.