MASMUR 68:16 - BIBEL JAMITA NA DENGGAN

¹⁶ Biasi ma manatap mangiburu ho Dolok Basan sian puncutna na bahat i tu Dolok Sion na nitodo ni Debata baen ingananNa? Angke i do na gabe Parmianan Ni Tuhan salolot-lolotna.

MASMUR 68:16 Referans Kwoze

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

MASMUR 114:6

Hamu ale angka dolok, biasi mangamburi hamu songon hambeng randuk? Hamu ale angka tor, biasi mangalumpati hamu songon anak ni biri-biri?

MASMUR 114:4

Mangambur-ambur angka dolok songon hambeng randuk, jana angka tor pe mangalumpat-lumpat songon anak ni biri-biri.

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.