MASMUR 68:10 - BIBEL JAMITA NA DENGGAN

¹⁰ Gabe maringanan disi bangsoMu, di bagasan denggan ni rohaMu ale Debata, dipature-ture Ho halak na pogos.

MASMUR 68:10 Referans Kwoze

MASMUR 74:19

Ulang pasahat bangsoMu na so margogo i tu tangan ni musu na kejam i. Ulang ma salolotna halupahon bagian ni bangsoMu na mardangol.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

LUKAS 1:53

Dipabutong Ia angka halak na male marhite angka na denggan, tapi anggo halak na kayo dipaorot Ia mardongan tangan na rumar.

MASMUR 78:20

Tutu do nian dipotuk Ia batu na koras, gabe mardalan aek na doras. Tapi margogo ma he Ia pasingkop roti dohot mangalehen juhut dison tu bangso i?”

MASMUR 65:9

Dilehen Ho do udan tu tano jana tongtong dipature Ho, napu dibaen Ho gabe bahat suhana. Digohi Ho do angka batang aek bubung dohot aek, gabe marsuha maradu bahat.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.

BILANGAN 16:3

Rap kehe ma halahi mandapotkon si Musa dohot si Harun lalu didok halahi, “Musa, tangihon jolo: Ganop jolma di bangso Israel na dung hapunjungan ni Tuhan do i. Jana di tonga-tonga ni hita sude do Tuhan i. Hape biasi dietong ho gumincat ho sian sude halak ni Tuhan i? Sude na binaenmu madung manyalpui aturan.”

1 RAJA-RAJA 8:36

sai tangihon ma i di banua ginjang. Sai sesa ma angka dosa ni bangsoMu Israel dohot raja ni halahi. Ajari ma halahi mambaen na tigor. Dung i ale Tuhan paro ma udan di luatMon, luat na dung nilehenMu tu bangsoMu gabe teanan ni halahi ro di salolot ni lolotna.”

MASMUR 65:10

Diaeki Ho pamangkuranna i dohot tanona na marhimpal i pe dibornoki. Marhite udan dibaen Ho tano i gabe gambur, angka tunasna i dijamin Ho do manyimbur.

MASMUR 65:11

Hara ni denggan ni rohaMu, diparade Ho do sabion ganop taon; sanga tudia Ho kehe, dapot ma marlobi-lobi.

JESAYA 40:29

Dipargogoi Ia halak na gale, dilehen Ia kuaso di halak na dae-dae.