MASMUR 68:1 - BIBEL JAMITA NA DENGGAN

¹ Jongjong ma Debata manyarsarkon musuNia, marlojongi ma na mangkagigihon Ia sian joloNia.

MASMUR 68:1 Referans Kwoze

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”

MASMUR 44:26

Ro ma da Ho mangurupi hami, palua ma hami, angke manongtong do holong ni rohaMi.

MASMUR 89:10

Rahab naga laut i dibunu jana diropukkon Ho, ditaluhon Ho musumu marhite tangan na gogo.

JESAYA 33:3

Umbege pangaronggur ni hababangkitMu marlojong ma angka bangso jana marserak-serak ma angko bangso.

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

MASMUR 68:30

Songgakkon ma, binatang panyoro di arung-arung, gorahon ma angka bangso na gogo dohot panguasa ni angka bangso. Taluhon ma halahi na mangkojar sinadongan; sarsarkon ma angka bangso na manghagioti parporangan.

MASMUR 68:14

Mijur ma salju sian Dolok Salmon di na nipasarak ni Na Markuaso i angka raja-raja disi.

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 21:8

Ditangkup ia sude musuNia, ditaban Ia sude na margoyak ni roha mida Ia.

PANGARATAION 7:10

Tapi nada maralang-alang Ia manguhumi angka na magigi tuSia.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

DANIEL 2:35

jana maropuk ma bosi, tano liat, tumbaga, perak dohot sere i songon abu di pardegean ni gandum taran di logo ni ari. Marhabangan ma abu na i diombus angin, lopus nada adong be partinggalna. Tapi anggo batu na godang na mangunggalkon patung i gabe sagodang ni dolok jana gabe digohi ma tano on.

JEHESKIEL 5:2

Sapartolu angkon tutungonmu ma i di tonga-tonga ni kota i dung sidung hona hobuk. Sapartolu nari angkon jaljalanmu do i dohot podangmi lalu mardalan ho manghuliangi kota i. Jana na sapartolu nari i angkon sampakkononmu do i tu awang-awang i, jana buruonKu ma i dohot podangKu.