MASMUR 66:3 - BIBEL JAMITA NA DENGGAN

³ Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 66:3 Referans Kwoze

MASMUR 18:44

Bangso na asing i tunduk tu au, jana mangoloi muda tarbege parentangku.

MASMUR 65:5

Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

MASMUR 81:15

TaluhononKu ma sanga ise na magigi mida Au, salolotna noma halahi hona uhumKu.

MASMUR 47:2

Angke na lobi sogen do Tuhan Na Gumincat i, Ia do raja godang na mangarajai sude na di portibi i.

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JESAYA 64:3

Di sada hatiha, baenonMu do karejo na luar biasa na so diambang roha. Mijur Ho, ale Tuhan, jana di adopanMu, manyikur angka dolok hara ni na heput.

MASMUR 76:12

Ditipulkon Ia do hagiot ni angka parkuaso, mabiar do angka raja maradopkon Ia.

MASMUR 68:30

Songgakkon ma, binatang panyoro di arung-arung, gorahon ma angka bangso na gogo dohot panguasa ni angka bangso. Taluhon ma halahi na mangkojar sinadongan; sarsarkon ma angka bangso na manghagioti parporangan.

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

MASMUR 18:45

Mago sude hagarangonna i, jana humitir haruar sian bentengna i.

JESAYA 25:3

Pujion ni angka bangso na gogo ma Ho, angka bangso na jungkat mabiar mida Ho.

JESAYA 40:26

Tatap ma tu langit i, ise dehe na mambaen bintang? Diatur Ia do sudena i songon parangan, diboto Ia do sanga sadia sude bahat ni bilanganna, jana ganop be do i dipio Ia marguru tu goarna. Hara ni godangna kuasoNia, sada pe nada adong i na jabat mago so haidaan.