MASMUR 66:16 - BIBEL JAMITA NA DENGGAN

¹⁶ Ro ma, jana tangihon hamu ma, o sude hamu na burju, paboaonku ma pambaenan ni Debata tu au.

MASMUR 66:16 Referans Kwoze

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

MASMUR 71:15

Ganop ari caritohononku ma hadenggananMu, dohot haluaan na sian Ho na so hasuhatan.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 34:2

Sai giot marmoga-moga do au hara ni karejoNia, anso nian dibege halak na hona sosak i jana marjop roha.

JEREMIA 51:10

Didok bangso ni Tuhan i ma, “Madung dipatuduhon Tuhan bahaso di pihak na tutu do hita. Beta ma hita tu Jerusalem jana tapaboa ma disi sandok na nibaen ni Tuhan Debatanta i.”