MASMUR 64:5 - BIBEL JAMITA NA DENGGAN

⁵ Togu do halahi marsitiopan tu sangkap na jahat na nibaenna; marpokat halahi laho manaon tirangkap, jana marpikir nada adong halak marnidasa.

MASMUR 64:5 Referans Kwoze

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

MASMUR 94:7

Didok halahi, “Nada diida Tuhan i, nada diparrohahon Debata ni Jakob i.”

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

JOB 22:13

Hape laing manyapai dope ho, ‘Aha diboto Ia? Di balik ni ombun do Ia, bia ma he baenonNia manguhumi hita.’

JESAYA 41:6

Marsiurupan ma angka halahi jana marsipandohonan na sada tu donganna, ‘Papir ma rohamu!’

MASMUR 124:7

Songon unggas na malua sian sambil ni parburu, magotap sambil i, gabe malua hita!

BILANGAN 22:6

Umbahat do halahi sian hami. Hara ni i, ro ma ho! Burai ma halahi, anso taralo hami halahi laho mangusir halahi sian luatnami on. Pos do rohangku, dapotan pasupasu do na nipasupasumu, jana hona bura do na niburaanmu.”

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

MATEUS 23:15

Marjaya ma hamu angka Siboto Surat dohot halak Parise! Angka pangalancap do hamu! Kehe do hamu taripar laut tu na dao laho mangelek-elek sada halak anso masuk mangihutkon ugamomunu. Dung diihutkon ia ugamomunu i, hape na giot pamasuhonmunu do ia tu narako, dua noli lompit jahatna sian hamu sandiri!

PAMUNGKAAN 20:13

Jadi di na nisuru ni Debata au manadingkon bagas ni damang jana kehe tu angka luat na asing hudok ma tu dadaborungki, ‘Angkon patidahononmu do na tutu dihaholongi ho au, dokkon ma tu halak paboa na itomu do au.’ ”

HAKIM-HAKIM 20:22

Jadi hara ni na talu i, gabe dipapungu halahi ma muse gogona, jana diatur halahi ma mangulahi tentara ni halahi laing songon natuarina i.