MASMUR 61:4 - BIBEL JAMITA NA DENGGAN

⁴ Padiar mamanompang di undung-undungMu au salolot au mangolu, anso sonang au di linggoman ni habongMu.

MASMUR 61:4 Referans Kwoze

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MASMUR 23:6

Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

MASMUR 63:7

angke Ho do antong na mangurupi au, marriang-riang au marende di linggom ni habongMu.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 15:1

Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MASMUR 62:7

Ia do Debata na mangalehen haluaan dohot hasangapan di au. Debata do pangondianku dohot na gogo mambela au.

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

HALUMBAAN 3:12

Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

MASMUR 90:1

Ale Tuhan, Ho do inganan parlindungannami sian najolo, marsundut-sundut,

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

PODA 18:10

Songon palas-palas na togu do Tuhan; tusi do maporus halak partigor anso malua.