MASMUR 61:1 - BIBEL JAMITA NA DENGGAN

¹ Tangihon ma ale Debata angguk-anggukku jana parate-atehon ma tangiangku.

MASMUR 61:1 Referans Kwoze

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

MASMUR 86:6

Parrohahon ma tangiangku ale Tuhan, tangihon ma angguk-anggukku mangido partolongan.

MASMUR 130:2

Tangihon ma ale Tuhan pio-piongku, parrohahon ma pangidoanku.

MASMUR 54:1

Ale Debata, palua ma au hara ni kuasoMu, lehen ma hatigoran tu au hara ni hagogoonMu.

MASMUR 17:1

Tangihon au martangiang sian sandok rohangku, ale Tuhan, parate-atehon pio-piongku mangido hatigoran.

MASMUR 64:1

Ale Debata, tangihon ma tangiangku dompak susa au, palua ma ngolungku sian musu na jorbut.

MASMUR 28:2

Tangihon ma pangidoanku, muda huangkat tanganku adop BagasMu.

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.