MASMUR 60:6 - BIBEL JAMITA NA DENGGAN

⁶ Sian inganan na badia didok Debata, “Marhite jop ni roha Hubagi-bagihon tano Sikem, bagi-bagihononKu ma Rura Sukot.

MASMUR 60:6 Referans Kwoze

JOSUA 13:27

Di Rura Jordan masuk dope tu bagian ni Gad, Bet-Haram, Bet-Nimra, Sukot dohot Zafon, i ma luat na tinggal sian na nirajaan ni Raja Sihon na sian Hesbon. Parbatasan bagian sabola Hasundutan ni luat ni Gad, i ma Batang aek Jordan lopus tu Dano Galilea di Utara.

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

MASMUR 89:35

Sanoli do Au marsumpa mangasahon goarKu na badia; nada margabus Au tu si Daud.

AMOS 4:2

Au Tuhan Debata, Tuhan Na Badia do Au, jana madung Hujanjihon, muli dapot do hatihana saraton hamu dohot saitan; songon ihan na hona hail ma hamu.

MASMUR 119:162

Baga-bagaMu mambaen jop ni rohangku, songon halak na dapotan harto.

MASMUR 56:4

Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.

JOSUA 17:7

Anggo garis batas ni Manase mamungka ma i sian Aser lalu tu Mikmetat di sabola Habincaran ni Sikem. Sian i manuat ma garis i tu Selatan lopus tu Luat En-Tapuah,

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

JEREMIA 23:9

On ma tonangku taringot tu angka panurirang: Magopu ate-atengku jana humitir au, hara ni Tuhan dohot hataNa na badia i mambaen au gabe songon halak na mabuk na minum anggur mabahattu.

MASMUR 132:11

Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

2 SAMUEL 3:18

Antong aha dope, saonnari ma hatihana di hamu. Ingot hamu ma, na dung marjanji do Tuhan tu si Daud bahaso si Daud do na giot pakeonNia laho paluahon bangsoNa Israel sian halak Pilistin dohot sian sude musuna na asing i.”

JOSUA 24:32

Saring-saring ni si Josep na nioban ni halak Israel sian Mesir, ditanom ma di Sikem, di tano na nitobusan ni si Jakob mararga saratus potong hepeng perak sian angka anak ni si Hemor, amang ni si Sikem. Jana dipateankon do tano i tu angka pomparan ni si Josep.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

JOSUA 20:7

Jadi ditontuhon halak Israel ma angka na mangihut on gabe kota haporusan: Kedes di partoran Naftali na di Galilea, Sikem di partoran Efraim; dohot Hebron di partoran Juda.