MASMUR 60:5 - BIBEL JAMITA NA DENGGAN

⁵ anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

MASMUR 60:5 Referans Kwoze

MASMUR 17:7

Patidahon ma holongMu na gok hahomangan, jadi hami dapotan haluaan. Di bagasan pangondingiMu, sonang hami sian pangaroro ni musu.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MASMUR 74:11

Biasi nada diurupi Ho be hami? Biasi nada diantoi Ho be hami?

MASMUR 60:12

Rap dohot Ho ale Debata, pir do rohanami, sai Ho ma manaluhon musunami.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

JEREMIA 11:15

Didok Tuhan ma, “Bangso haholongan ni rohangKu madung patupahon angka pangalaho na jat. Nada adong be hak ni halahi di BagasKu. Diambang halahi do tarolat halahi ma hamamago i marhite na mambaen angka janji dohot na manghaulkon angka binatang. Martua ma he halahi baenon ni karejo na songon i?

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

MASMUR 22:8

Ninna halahi, “Dipangasahon ho do Tuhan; biasi nada ro Ia paluahon? Anggo jop do roha ni Tuhan mida ho, biasi nada ditolong Ia ho?”

MASMUR 20:6

Saonnari, huboto Tuhan do hape mangalehen hamonangan di raja na nipiliNia. Dilehen Tuhan alusna sian banua ginjang; dapotan hamonangan godang raja i hara ni Tuhan Na Markuaso.

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 75:9

Tapi anggo au paboaonku do tongtong pambaenan ni Debata ni si Jakob, endehononku ma puji-pujian diSia.

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.