MASMUR 59:4 - BIBEL JAMITA NA DENGGAN

⁴ Haru pe nada marsala au, dilojongi halahi do jana marhobas.

MASMUR 59:4 Referans Kwoze

MASMUR 35:23

Jongjong ma Ho mangampini parkarongku, o ale Debatangku jana Tuhanku, urupi ma au!

SURAT NI SI PAULUS TU PARLAGUTAN ROM 3:15

Sai songon na mopop do pangalangka ni halahi muda giot manduruskon mudar.

BAENON NI ANGKA RASUL 23:15

Antong hamu angka dongan dohot angka anggota ni Mahkamah Ugamo i, baen hamu ma surat tu komandan ni tentara Rom i mangido anso dioban ia si Paulus mangulahi mangadop tu hamu. Jadi tarsongon na giot paresoonmunu ma parkaronia i tumangkas mangulahi. Tapi anggo hami madung rade laho mamunu ia dompak so lalu dope tuson.”

JESAYA 59:7

Sai matua na mambaen sangkap na jahat do hamu jana mopop laho mandalankonsa. Nada jungada sak rohamunu mamunu halak na so marsala. Sanga na tu dia hamu kehe, matua na manderetkon hasesego ma hamu dohot hamamago.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

MASMUR 44:23

Ngot ma Ho! Biasi sai modom Ho, ale Tuhan? Jongjong ma Ho! Ulang tulak hami sapanjang.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 5:6

Dipusa Ho do angka pargabus ditulakkon Ho do pangicu dohot pamunu.

PAMUNGKAAN 40:15

Harana anggo satutuna, na nitangko do da au sian luat ni halak Ibrani, dohot dison pe tehe di Mesir on, na so unjung do hubaen hajahatan sanga aha pe na mambaen au patut masuk hurungan.”

1 SAMUEL 19:4

Dung i dihatahon si Jonatan ma angka na denggan salaho tu si Daud tu si Saul, “Amang, ulang ma antong mardosa ho maradophon si Daud naposomi. Harana nada adong hasalaan dibaen ia tu amang, balikna do, na dung bahat do na denggan dibaen ia tu amang.

MASMUR 56:7

Balos ma ale Debata hajahatan ni halahi i, pasidung ma halahi di hamumurukMi.