MASMUR 59:10 - BIBEL JAMITA NA DENGGAN

¹⁰ Dihaholongi jana didapotkon Debatangku do au, dipaloas Debatangku do au marnida hataluan ni musungku.

MASMUR 59:10 Referans Kwoze

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

MASMUR 54:7

Dipalua Ho do au sian sasude hamaolon, huida do musungku ditaluhon.

MASMUR 59:17

Ho do hagogoonku, di Ho ma ende pujianku, angke Ho do Debata, inganan pangungsianku, ale Debata, sai na holong do rohaMu mida au.

MASMUR 21:3

Ro Ho mandapotkon ia mardongan pasupasu na maruse-use, dipamasuk Ho tu ulunia tuku sere.

MASMUR 92:11

Madung huida musungku ditaluhon, madung hubege angguk ni angka halak na jahat.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

2 KORINTUS 1:3

Pinuji ma Debata Ama ni Tuhanta Jesus Kristus. Ia ma Ama na sun denggan rohaNa jana Ia do Debata na mangalehen pangapoion ni roha tu jolma manusia.

JEREMIA 17:16

Tapi ale Tuhan, na so unjung do husosoi Ho parohon jaya tu halahi, nada muse por rohangku anso didondoni hasusaan. Diboto Ho do i ale Tuhan. Diboto Ho do sanga aha na hudok.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

MASMUR 112:8

Nada sak rohania, nada heput muse ia, angke pos do rohania, sai na talu do musunia.

MASMUR 91:8

Idaonmu sandiri do halak parjahat hona uhuman.

MASMUR 79:8

Ulang ma uhumi hami hara ni dosa ni ompunami. Ompoti ma manghasiani hami, dibaen madung gale hami.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

MASMUR 56:2

Sasadari sai diporangi halahi do au, bahat ma da na mamusui au mardongan ginjang ni rohana.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

2 SAMUEL 1:17

Dung i diendehon si Daud ma andung-andung on hara ni si Saul dohot hara ni si Jonatan,

1 TESSALONIKA 4:15

Taringot tusi, songon on do na niajarkon ni Tuhan sipasahatonnami tu hamu: Anggo di haroro ni Tuhan Jesus, hita angka na mangolu dope, nada tarbaen manjoloi angka na dung parjolo monding i.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.

MASMUR 46:8

Tole bo, ligi ma na nikarejohon ni Tuhan; hahomangan ma da karejo ni tanganNia di tano on!