MASMUR 57:1 - BIBEL JAMITA NA DENGGAN

¹ Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 57:1 Referans Kwoze

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 61:4

Padiar mamanompang di undung-undungMu au salolot au mangolu, anso sonang au di linggoman ni habongMu.

MASMUR 63:7

angke Ho do antong na mangurupi au, marriang-riang au marende di linggom ni habongMu.

MASMUR 9:10

Halak na mananda Ho, mararop ni roha tu Ho Tuhan, halak na mangalului Ho nada ra Ho maninggalkon.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

JESAYA 26:20

Masuk ma hamu tu bagasmunu i ale bangsongKu, lalu tutupkon ma pintuna i. Martabuni ma hamu sangombas lopus mombun rimas ni Tuhan.

MASMUR 56:1

Ibo ma rohaMu di au ale Debata, angke disosak musu do au, sai torus do diporangi halahi au.

MASMUR 91:9

Angke dibaen ho do Tuhan pangondianmu, dibaen ho Na Gumincat i parlindunganmu.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

MASMUR 142:1

Pio-pio do au tu Tuhan, tuSia do au mangido partolongan.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

MATEUS 24:22

Tapi madung dipapendek Debata hatihana i. Sugari nada, umpe sahalak jolma na tarbaen tahan. Tapi hara ni bangsoNia i, gabe dipapendek Debata do hatihana i.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 59:1

Ale Debatangku, palua ma au sian angka musungku, ondihon ma au sian halak na mangaroro au.

MASMUR 58:1

O hamu angka parkuaso, tigor dehe haputusanmunu? Tigor dehe di na manguhumi jolma hamu?

JESAYA 10:25

Santongkin nari, sidung ma uhumanKu hamu, jadi pangabisonKu noma halahi.

1 SAMUEL 24:3

Manigor dipili si Saul ma tolu ribu tentara na dumenggan sian sude Israel, lalu kehe ma i manjalahi si Daud dohot parangannia i di Habincaran ni Dolok Batu Hambeng Harangan.

1 SAMUEL 22:1

Dung i ditadingkon si Daud ma kota Gat jana martabuni ma ia di liang na di lambung ni kota Adulam. Di na tarbege tu angka angkangnia dohot tu sude sisolkotnia bahaso na disi ia, ro ma halahi mandapotkon ia.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

1 SAMUEL 24:8

Songon i ma dielek si Daud parangannia i, jana nada dipaloas ia halahi mangalo si Saul. Jongjong ma si Saul jana ditadingkon ia ma liang i laho patoruskon pardalanannia.

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

1 SAMUEL 24:4

Jadi lalu ma si Saul di lambung ni angka bara ni hambeng di topi ni dalan. Adong muse do disi sada liang jana masuk ma si Saul tusi laho tu aek na godang. Hape nian laing di liang i muse do topet si Daud dohot parangannia i martabuni tar dumao tu bagasan.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

MASMUR 75:1

Mandok tarimakasi do hami tu Ho, ale Debata! Mandok tarimakasi do hami. Hami pio do goarMi, hami paboa do pambaenanMu na godang i.