MASMUR 55:5 - BIBEL JAMITA NA DENGGAN

⁵ Didondoni biar do au jana humitir, dirongomi pangkilalaan na manyikur.

MASMUR 55:5 Referans Kwoze

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

JOB 21:6

Muda hupasari-sari na masa tu iba, humitir ma au hara ni jorbutna.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

JESAYA 21:4

Hancit sajo simajujungku jana gok biar ma au. Dipangido rohangku ma anso humipas borngin, hapengani mur tamba dope biarku disi.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

MASMUR 42:6

Magopu ate-atengku di tano habuangan on, hara ni i taringot rohangku tu Ho. Mayup-ayup tondingku di bagasan galumbang ni arsak, songon aek magodang hagaoron manondong iba, songon parhusasak ni sampuran ni Batang aek Jordan, sian Dolok Hermon dohot Dolok Misar.

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

2 SAMUEL 15:14

Dung i didok si Daud ma tu sude naposonia na adong di Jerusalem, “Beta mangungsi hita. Sada on noma dalan anso malua hita sian si Absalom. Ro ne ma ia. Ompoti be ma anso ulang sanga dapot ia hita, jana ditaluhon dohot podang, gabe hona bunu lalu sude halak kota on!”

MASMUR 18:6

Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.