MASMUR 53:3 - BIBEL JAMITA NA DENGGAN

³ Hape madung lilu jana rungkup sude jolma nada adong be mambaen na denggan, umpe sahalak.

MASMUR 53:3 Referans Kwoze

SURAT NI SI PAULUS TU PARLAGUTAN ROM 3:12

Madung lilu sude jolma, nada adong be guna ni halahi. Umpe sahalak na mambaen na denggan; sahalak pe nada adong!

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

MASMUR 14:3

Tapi sude halak madung lilu jana jorngang, nada adong na mambaen na denggan, umpe sada.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.

HALUMBAAN 22:11

Barang ise na mambaen hageduhan, dipupu ia ma mambaen hageduhan i, jana barang ise na hodar dipahodar ia ma dirina; dung i barang ise na tigor roha, dipupu ia ma mambaen hatigoran, jana barang ise na badia, diparbadiai ia ma dirina.”

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JOB 15:16

Mur jolma na rorang dohot na jurngit ma hape, na mandorguk hajahatan songon aek.

2 SAMUEL 20:2

Dung i markehean be ma antong halak Israel i manadingkon si Daud jana diihutkon halahi si Seba. Tapi anggo halak Juda tongtong do burju mangudurkon si Daud sian Batang aek Jordan lopus tu Jerusalem.