MASMUR 51:11 - BIBEL JAMITA NA DENGGAN

¹¹ Ulang ambungkon au sian adopanMu, jana ulang buat tondiMu na badia i sian au.

MASMUR 51:11 Referans Kwoze

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

2 RAJA-RAJA 13:23

Tapi nada unjung dihalupahon Tuhan bangsoNia i. Ibo jana denggan do rohaNia tu halahi. Nada dipadiar Ia halahi dipasude tapi ditolong Ia do halahi, hara ni parjanjianNia dohot si Abraham, si Ishak dohot si Jakob.

SURAT NI SI PAULUS TU PARLAGUTAN ROM 8:9

Tapi anggo hamu ale angka dongan, nada mangihutkon bako ni jolma hamu mangolu. Mangihutkon Tondi do hamu mangolu, muda tutu Tondi Ni Debata mangingani dirimunu. Sanga ise na so maruli Tondi Ni Kristus, nada Kristus nampuna ia.

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

1 SAMUEL 16:14

Dung i ditadingkon Tondi Ni Tuhan ma si Saul, jana diparkanciti tondi na jahat na nisuru ni Tuhan ma ia.

1 SAMUEL 10:10

Di na lalu si Saul dohot pangoloinia di Gibea, ro ma panurirang sarombongan mandapotkon halahi. Laing di hatiha i muse ma dirajai Tondi Ni Debata si Saul, diihutkon ia ma tortor dohot surak-surak ni angka panurirang i.

HAKIM-HAKIM 16:20

ning ia ma, “Simson! Ma ro halak Pilistin!” Ngot ma si Simson jana diambang ia tarbaen malua dope ia songon di hatiha na salpu-salpu i. Nada diboto ia bahaso na dung ditadingkon Tuhan do ia.

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

MASMUR 71:9

Ulang ma ambungkon au di ari ni hatotobangku ulang tadingkon au muda dung abis gogongku,

2 RAJA-RAJA 24:20

Sun do muruk ni Tuhan maradopkon halak na maringanan di Jerusalem dohot halak Juda jabat nada diparrohahon Ia be halahi.

2 SAMUEL 7:15

Tapi nada mantak Au manghaholongi ia songon na dung Huantak manghaholongi si Saul. Madung Hubaen songon i maradopkon si Saul, anso ho gabe raja.

HAKIM-HAKIM 15:14

Dung lalu ia di Lehi, marlojongi ma angka halak Pilistin i mandapoti ia marsurahi tusia. Tompu ma ia gabe gogo dibaen kuaso ni Tuhan. Dipargotapkon ia ma songon i angka tali panambatnia i songon dia ma rupani tali na mosok.

JEREMIA 7:15

PaorotonKu ma hamu sian jolongKu songon pangusirKu di kahanggimunu halak Israel i.”

MASMUR 43:2

Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

2 RAJA-RAJA 23:27

Didok Tuhan do, “Sanga aha na dung Hubaen tu Israel, laing baenonKu do dohot tu Juda. Angkon Hubuang halak Juda i, sian tano na dung Hulehen tu halahi. TulahonKu noma Jerusalem kota na Hutodo i dohot bagasKon pe, na dung Hudok hian inganan marsomba tu Au.”

HAKIM-HAKIM 13:25

jana taran di parbandaran ni Marga Dan na di antara ni Zora dohot Estaol ia, mamungka ma dilehen Tondi Ni Tuhan hagogoan tusia.