MASMUR 5:5 - BIBEL JAMITA NA DENGGAN

⁵ Nada lomo rohaMu mida halak na jungkat, jana goyak do rohaMu mida sude sibaen na jahat.

MASMUR 5:5 Referans Kwoze

MASMUR 11:5

Diuji Tuhan i do halak na denggan dohot sibaen hajahatan; halak na mangasahon hagogoon sai dihagigihon Ia.

HOSEA 9:15

Didok Tuhan ma, “Di Gilgal do mamungka sude hajahatan ni halahi i. Disi ma mamungka goyak rohangKu mida halahi. Hara ni jahat ni pambaenan ni halahi, paorotonKu noma halahi sian tanongKon. Nada holong be rohangKu tu halahi; madung sude pamimpin ni halahi mangalo tu Au.

MASMUR 1:5

Uhumon ni Debata do parjahat i jana disirang sian bangsoNa.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

ZAKARIA 11:8

Jadi huabiskon ma parmahan na tolu i di bagasan sabulan, harana goyak do rohangku tu angka biri-biri i jana halahi pe goyak do rohana tu au.

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

MASMUR 75:4

Hudok do tu halak siginjang roha, anso ulang be sai mamburas.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

MASMUR 94:8

Pardiatehon ma, o hamu angka jolma na oto! Andigan dope hamu marsiajar mamake pikiranmi?

MASMUR 92:6

Anggo halak na bodo nada mangarti halak na oto nada mangastui,

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

MASMUR 10:3

Halak na jahat manghatahon na nihalungunkon ni rohana, halak na lahap mamurai jana manulak Tuhan.

PODA 15:9

Magigi do Tuhan di dalan ni halak parjahat, tapi holong do rohaNia di halak partigor.