MASMUR 47:7 - BIBEL JAMITA NA DENGGAN

⁷ Raja do Debata di sandok portibi, mardongan angka ende ma Ia tapuji!

MASMUR 47:7 Referans Kwoze

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

MASMUR 47:8

Juguk di habangsoNa Na Badia do Debata, diparenta Ia angka bangso.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

MASMUR 47:2

Angke na lobi sogen do Tuhan Na Gumincat i, Ia do raja godang na mangarajai sude na di portibi i.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.