MASMUR 46:6 - BIBEL JAMITA NA DENGGAN

⁶ Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

MASMUR 46:6 Referans Kwoze

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

MASMUR 18:13

Dung i mangaronggur ma sora ni Tuhan sian ingananNa, Na Di Banua Ginjang i patubegehon soraNa.

AMOS 9:13

Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

JEREMIA 25:30

“Sude na Hupardokkoni i tu ho ale Jeremia, angkon palaluonmu do i. Dokkon tu halahi: ‘Mangaronggur do sora ni Tuhan sian banua ginjang; matuoror do Ia tu bangsoNia na mangalo i. Dibege halak na satano on do Ia manyonggak songon parkarejo na mamoro anggur di pangilangan.

MASMUR 97:5

Angka dolok maderder songon lilin di jolo ni Tuhan, di adopan ni Tuhan parkuaso ni sude portibi on,

MASMUR 68:33

diSia na mamolus awang-awang, angkasa na adong sian narobian. Tangihon bo! Gogo do Tuhan mandok hata, matuoror maradu gogo, soraNia.

MASMUR 68:8

humutur do tano on, diduruskon langit i do udan; di joloMu ale Debata; humutur do Sinai di jolo ni Debata, Debata ni Israel.

2 JUJUR TAON 20:1

Dung adong sadia honok ro ma tentara ni Moab dohot Amon rap dohot angka dongan ni halahi tentara ni Meunim mamorangi Juda.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

2 RAJA-RAJA 19:34

AbarahononKu ma Jerusalem jana ondihononku, hara ni sangap na tu Au sandiri boti hara ni parjanjianKu sandiri tu naposongKu si Daud.’ ”

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 33:20

Tatap hamu ma tu kota Sion, ingananta marpesta ugamo. Tatap ma Jerusalem! I noma sonang ni kota i baen ingananniba, songon undung-undung na so jungada dipaimbar, patokna i nada unjung diumpat jana talina i pe nada jungada magotap.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”