MASMUR 46:4 - BIBEL JAMITA NA DENGGAN

⁴ Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 46:4 Referans Kwoze

MASMUR 87:3

Angka pangalaho na denggan didokkon taringot tu ho; ale Kota Ni Debata.

MASMUR 48:8

Songon na tabege i, saonnari ma taida, di Kota Ni Tuhan Na Markuaso i. Kota Ni Debatanta ma da kota i, Ia do manjagohon i anso sonang sapanjangna.

MASMUR 23:2

Dipapayak Ia do au di padang jampalan na lomak. Ditogu Ia do au, tu aek na lan.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

MASMUR 65:9

Dilehen Ho do udan tu tano jana tongtong dipature Ho, napu dibaen Ho gabe bahat suhana. Digohi Ho do angka batang aek bubung dohot aek, gabe marsuha maradu bahat.

JESAYA 48:18

Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

MASMUR 92:1

Na denggan situtu do mandok tarimakasi tu Ho, ale Tuhan, jana marende masmur di Ho, ale Debata Na Gumincat;

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

MASMUR 43:3

Patangkas ma hadengganan ni rohaMu anso disondangi au jana togu ma au, mulak tu Sion, dolokMu na badia i dohot tu Bagas ParmiananMi.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

MASMUR 92:8

angke markuaso do Ho, ale Tuhan, salolot-lolotna.

MASMUR 93:3

Ale Tuhan, pio-pio do tandolan ni laut, marsurak jana gumadobur.