MASMUR 46:11 - BIBEL JAMITA NA DENGGAN

¹¹ Didongani Tuhan Na Markuaso i do hita, Debata ni si Jakob do mangondihon hita.

MASMUR 46:11 Referans Kwoze

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 48:3

Pandok ni Debata, sonang do rap dohot Ia, di bagasan angka benteng ni kotaNia.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

1 RAJA-RAJA 20:28

Jadi ro muse ma sahalak panurirang tu Raja Ahab mandok, “On ma pandok ni Tuhan: ‘Dibaen diambang angka halak Siria na hum di dolok sajo do Au markuaso jana nada dohot di napa na toruk, lehenonKu ma tu ho hamonangan mangalo tentara ni halahi na santak bahat i, jadi gabe botoonmu dohot rayatmu ma, Au do Tuhan.’ ”

2 JUJUR TAON 20:6

jana martangiang ma ia marsora na gogo, “Ale Tuhan, Debata ni ompunami! Ho do Debata di banua ginjang dohot na mamarenta di ginjang ni sude bangso na di tano on. Ho do na margogo jana markuaso. Sahalak pe so tolap mangalo Ho.

2 JUJUR TAON 33:13

Dipatulus Tuhan ma tangiang ni si Manase i jana dipaulak ma ia tu Jerusalem anso mamarenta mangulahi. Jadi hara ni na masa i gabe pos ma roha ni si Manase bahaso Tuhan do hape Debata.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.