MASMUR 46:10 - BIBEL JAMITA NA DENGGAN

¹⁰ Didok Ia, “Boto hamu ma, Au do Debata, ulang be pupu na marporang. Di tonga-tonga ni angka bangso, godang do Au, godang di sude tano on.”

MASMUR 46:10 Referans Kwoze

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

HABAKUK 2:20

Di bagasan Bagasna na badia i do Tuhan; sai maringanan di jolonia ma nian jolma na satano on.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

MASMUR 57:5

Ale Debata, patuduhon ma hagodanganMu di langit an, dohot hasangapanMu di portibi on.

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

MASMUR 21:13

Hami puji do Ho Tuhan, hara godang ni kuasoMu, marende do hami mamuji hagogoanMu.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

1 RAJA-RAJA 18:36

Dung dapot hatihana laho manghaulkon haul andospotang, dipadonok si Elia ma tu langgatan i, martangiang ma ia. Didok ia ma, “Tuhan Debata na nisomba ni si Abraham, si Ishak dohot si Jakob! Patandahon ma saonnari bahaso Ho do na tutu Debata ni Israel, jana au ma naposoMu; dohot sasude na hubaen on na niparentahonMu do.

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba

2 RAJA-RAJA 19:12

Di na nironcohon ni angka ompungku kota Gosan, Haran dohot Resep jana dibunu halak Eden na maringanan di Telasar, umpe sada sian angka debata ni halahi i na paluahon halahi.

JOSUA 11:6

Didok Tuhan ma tu si Josua, “Ulang ho mabiar mida halahi. Ancogot laing songon on hatihana, ma pola Hubunu halahi sude hara ni Israel. Angkon mapangpang do baenonmu tentara ni halahi na markudo i, jana angka kareta porangna i angkon purunonmu.”

JOSUA 11:9

Dipatulus si Josua do tu halahi na niparentahon ni Tuhan: Dipangpangi si Josua ma tentara ni halahi na markudo i jana ditutungi ia angka kareta porang ni halahi i.

1 SAMUEL 2:4

Madung maponggol sior ni parporang tapi halak na gale mur marhagogoan.

2 RAJA-RAJA 6:23

Jadi dipatupa raja ni Israel ma pesta godang dihalahi; dung sidung mangan dohot minum, dipalua raja i ma halahi mulak tu raja ni halahi i. Mamungka sian i, mantak ma halak Siria mamorangi halak Israel.

MASMUR 37:15

Hape hona tiham ni podangna sandiri do parjahat i sior ni halahi i pe diponggoli.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JEREMIA 49:35

Pandok ni Tuhan, “Satutuna tipulkononKu ma Sior ni Elam, i ma hagogoon ni halahi.

JEHESKIEL 30:8

Jadi muda Husurbu Mesir jana Hubunu sude donganna i, botoon ni halahi ma bahaso Au do Tuhan.”

JEHESKIEL 39:3

Disi ma lipatonKu siornia i lopus madabu sian tangan siambirangnia i, jana dabuhononKu angka anak ni panania i sian tangan siamunnia.

MIKA 4:3

Putuskonon ni Tuhan ma parkaro antara ni bahat bangso na adong di tano, antara ni angka harajaan na gogo, na donok pe dohot na dao. Topaon ma podang gabe bajak piso parpangkas manggonti tombak. Nada be marsiporangan angka bangso, nada be markobas kehe manyaroso.