MASMUR 45:13 - BIBEL JAMITA NA DENGGAN

¹³ Boru ni raja na jogi i masuk tu bagasan bagas godang, dohot baju na marsulam bonang sere.

MASMUR 45:13 Referans Kwoze

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

LUKAS 11:40

Na oto do hamu! Nada he Debata do manompa parduru i, jana laing Debata muse do na manompa bagian parbagasan i?

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

ENDE NA GODANG 7:1

Si bujing na sumurung hajogian, patmu na marsandal sai lohot tu roha di bagasan. Lengkuk ni gontingmu songon na nitukangan, karejo ni sada bayo parsinaloan.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

1 RAJA-RAJA 5:15

Dilehen si Salomo dope 80.000 halak na manuhil batu sian dolok dohot 70.000 halak mamorsan batu i.