MASMUR 44:4 - BIBEL JAMITA NA DENGGAN

⁴ Ho do Debatangku dohot Rajangku, na mangalehen hamonangan di si Jakob.

MASMUR 44:4 Referans Kwoze

MASMUR 74:12

Sian mulana laing na Ho do rajanami ale Debata, mulak-ulak do, ale Debata, dipalua Ho hami.

MASMUR 42:8

Sai dipatuduhon Tuhan ma nian holong ni rohaNa na mamanjang di hatiha torang ni ari, anso tarbaen au marende di bornginna i, jana martangiang tu Debata haroroan ni ngolungki.

MARKUS 9:25

Dung diida Jesus, ma mamungka mur ribur halak, dipaorot Ia ma setan i haruar. Ning Ia ma, “Ho tondi na mambaen maingol jana na mambaen ngungu, Hudok tu ho, haruar ma ho sian dakdanak on, ulang be masuk ho tusia sanga andigan!”

MASMUR 89:18

Angke madung dipili Ho ale Tuhan pangondiannami, ale na badia ni Israel, madung diangkat Ho rajanami.

MARKUS 1:41

Ibo ma roha ni Jesus mida bayo i. Gabe dipahortang Ia ma tanganNia manjamasa. Didok Ia ma, “Ra do Au. Antong malum ma ho!”

MARKUS 1:31

Didapotkon Jesus ma nantulang ni si Simon i. Ditogu Ia ma tanganna i laho mangurupi jongjong. Mago ma arun i, ia pe markobas ma paturehon panganan ni halahi.

MASMUR 149:2

Marjop ni roha ma ho ale Israel hara ni na manompa ho; marmoga-moga ma ale halak Sion hara ni Rajamu.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

PANGARATAION 7:19

Ingot hamu ma angka parmaraan godang na niidamunu sandiri, angka tanda na pahomang roha, dohot hagogoan godang na nipake ni Tuhan Debatamunu laho paluahon hamu. Sude bangso na nihabiaranmunu abiskononNa do i songon pangabiskonNa di halak Mesir.

JOSUA 24:12

Dompak na maju hamu mangaroro halahi, bingung halahi Hubaen jana mabiar, jabat maporus raja ni Amori sidua halak i sian hamu. Nada podangmunu jana nada panahmunu mambaen hamu monang.

MASMUR 111:6

Madung dipatuduhon Ia kuasoNia tu bangsoNa, di na nilehenNia tano pusako ni angka bangso.