MASMUR 44:22 - BIBEL JAMITA NA DENGGAN

²² Hara ni Ho sai torus do hami tarancam mate, jana dibaen songon biri-biri sisambolon.

MASMUR 44:22 Referans Kwoze

SURAT NI SI PAULUS TU PARLAGUTAN ROM 8:36

Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

MASMUR 44:11

Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

1 KORINTUS 4:9

Harana anggo mangihutkon pandapotku, dilehen Debata do di hami angka rasul inganan na tumoruk, dos songon halak na niuhum tu hamatean, angke madung gabe sitontonan hami diportibi on, dijolo ni jolma dohot angka surusuruan.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

PAMUNGKAAN 18:15

Jadi hara ni biar ni si Sara, disoadahon ia ma i, ning ia ma, “Nanggo na martata Au.” Tapi dialusi Tuhan i ma, “Tutu ma da ho martata.”

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!

MASMUR 94:11

Didodo Tuhan do pikiran ni jolma, diboto Ia do sangkap ni halahi na so marguna.

MASMUR 139:2

Diboto Ho do sude pambaenanku; sian na dao diboto Ho do pikiranku.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”