MASMUR 44:14 - BIBEL JAMITA NA DENGGAN

¹⁴ Dibaen Ho do hami gabe siincahan ni angka bangso, mopeng-openg ma ulu ni halahi lalu mangurkai.

MASMUR 44:14 Referans Kwoze

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JOB 16:4

Sugari sura hamu au, jana au hamu, au pe laing malo do pajojor na nidokmunu. Husabur tu hamu hata na gara; mopeng-openg ma nibaen uluniba.

2 RAJA-RAJA 19:21

madung didok Tuhan ma tu si Sanherib, “Partataan jana pabileon ni Jerusalem ma ho, Sanherib.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

MASMUR 109:25

Madung gabe jaya au di halahi, mupir-upir ulu ni halahi marnida au.

MASMUR 22:7

Sude na marnida au mangincahi jana mangalayasi, mamursikkon dohot mangupir-upirkon ulu halahi.

JOB 17:6

Saonnari tu iba ma dipadaihon pandohan i; laho manijuri bohingki, ro ma halahi.

2 JUJUR TAON 7:20

gabe paruaronKu ma hamu sian luat na dung Hulehen on tu hamu. Bagas on pe na dung Hutotopkon gabe inganan maribadat tu Au, tinggalkononKu ma. Sanga na di dia pe layasan ma bagas paribadatan on jana gabe sipartataan.”

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

PANGARATAION 28:37

Tarsonggot be ma angka jolma na marnida ho di inganan parserahanmunu dibaen Tuhan paida-ida na masa di ho; siincak-incahan ni halak ma ho jana sipartataanna.

NEHEMIA 2:17

Tapi dung i hudok ma tu halahi, “Ligi hamu ma pangalaho ni pardangolanta on! Tinggal na magargar noma Jerusalem dohot angka pintu horbanganna pe ma abis dipangan api. Tole ma tabangun mangulahi angka tembok ni kota Jerusalem on anso ulang marlayas be hita.”

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

MASMUR 123:3

Ibo ma rohaMu di hami, ale Tuhan, sai ibo ma rohaMu di hami, dibaen madung mabahattu habileannaMi.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”