MASMUR 44:12 - BIBEL JAMITA NA DENGGAN

¹² Digadis Ho ma bangsoMi, argana pe so sadia, songon na so adong astuan ni halahi bagi na aha.

MASMUR 44:12 Referans Kwoze

JEREMIA 15:13

Didok Tuhan ma tu au, “TongosonKu ma musu laho maroban sinadongan dohot arta ni bangsongKu songon uhuman hara ni angka dosa na nipambaenan ni halahi di ganop inganan.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

HALUMBAAN 18:13

hulim, parmasak, pulungan ni ubat-ubat, mur dohot hamonyan; anggur dohot miak, topung dohot gandum; lombu dohot biri-biri, kudo dohot kareta, angka hatoban dohot jolma.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

HAKIM-HAKIM 3:8

Gabe muruk ma Tuhan tu halak Israel jana dipadiar halahi talu jana dirajai Raja Kusan Risataim na sian Mesopotamia salapan taon honokna.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.