MASMUR 44:11 - BIBEL JAMITA NA DENGGAN

¹¹ Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

MASMUR 44:11 Referans Kwoze

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

SURAT NI SI PAULUS TU PARLAGUTAN ROM 8:36

Songon na tarsurat i, “Hara ni Ho di bagasan parmaraan do hami sasadari, nietong do hami songon biri-biri sisambolon.”

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JEREMIA 12:3

Tapi anggo Ho ale Tuhan, ditanda Ho do. Diida Ho do sanga aha na hubaen, jana diboto Ho do sanga songon dia holong ni rohangku tu Ho. Togu ma angka parjahat i tu ruar; oban ma halahi songon biri-biri tu panyambolan. Jago ma halahi lopus dapot hatihana hona sambol halahi.

MASMUR 106:27

Marserak noma pomparan ni halahi sun tu dia, jana marmatean di tonga-tonga ni bangso na marragam.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.