MASMUR 44:10 - BIBEL JAMITA NA DENGGAN

¹⁰ Dipadiar Ho do hami maporus sian musu na mangarampas artanami.

MASMUR 44:10 Referans Kwoze

JOSUA 7:8

O Tuhan! Madung diayak musu i angka halak Israel sumurut. Saonnari aha noma sidokkononku?

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

MASMUR 89:41

Sude halak pamolus marsirampas di nampunania, gabe siincak-incakan ni hombarna noma ia.

JOSUA 7:12

On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

JEREMIA 20:8

Ganop mangkuling au, marsurak au sagogongku, “Hakejamon! Parmaraan!” Dipacia-cia jana dipalayas do au, Tuhan, ari-ari, hara ni na palaluhon tonaMi.

JEREMIA 15:13

Didok Tuhan ma tu au, “TongosonKu ma musu laho maroban sinadongan dohot arta ni bangsongKu songon uhuman hara ni angka dosa na nipambaenan ni halahi di ganop inganan.

JESAYA 10:14

Songon asar ni unggas do angka bangso di tano on, mura do hubaen mambuati sinadongan ni halahi, songon pambuat ni halak di pira na di asar. Umpe adong habong na manggerpos laho manyonggot au, nada adong na mambuka tuktukna laho marsurak tu au!”

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

1 SAMUEL 4:17

Dialusi sioban barita i ma, “Maporus do halak Israel sian halak Pilistin; bahat sajo do na mate! Anakmu na dua i pe, amang, si Hofni dohot si Pinehas, marujung do. Jana dirampas musu i do Poti Parjanjian ni Debata!”

HAMALIMON 26:14

Didok Tuhan ma, “Muda nada dioloi hamu parentangKu uhumonKu ma hamu.

BILANGAN 14:42

Ulang hamu kehe. Taluhonon ni musumunu do hamu angke nada didongani Tuhan hamu.

BILANGAN 14:43

Dung paadop-adop hamu annon dohot halak Amalek dohot halak Kanaan i, angkon mate do hamu di parporangan i. Nada ra Tuhan i mandongani hamu hara ni na so ra hamu mangoloi Ia.”

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

MASMUR 60:12

Rap dohot Ho ale Debata, pir do rohanami, sai Ho ma manaluhon musunami.

MASMUR 89:39

Sundat dibaen Ho parjanjianMu dohot naposoMu, diambungkon Ho tukuna i tu bagasan bustak.

MASMUR 89:43

Maleu dibaen Ho sinjatania, dipadiar Ho talu di porang ia.